ပစိဖိတ်သမုဒ္ဒရာထဲမှာ ဒုတိယ ကမ္ဘာစစ်လို ကြီးမားတဲ့ စစ်ပွဲတွေ ဖြစ်လာနိုင်တဲ့ အခြေအနေ

ယနေ့ကမ္ဘာကြီးမှာ အင်အားကြီးနိုင်ငံတွေအကြား အမျိုးသား အကျိုးစီးပွား ဖော်ဆောင်ရေးမဟာဗျူဟာများ ချမှတ်ကျင့်သုံးရာမှ အပြိုင်အဆိုင် ဩဇာဖြန့်ကျက် လက်ရုံးဆန့်တန်းမှုများ ပိုမိုပြင်းထန်လာပြီး Flash Point အနေနဲ့ ပစိဖိတ်ဒေသကြီးအတွင်းမှာ တစ်စတစ်စ အရှိန် မြင့်တက်လာနေပြီဖြစ်ပါတယ်။ဒုတိယကမ္ဘာစစ်နောက်ပိုင်း နှစ်အတန်ကြာ အင်အားချိနဲ့ခဲ့တဲ့ တရုတ် ရေတပ်နဲ့လေတပ်တို့ဟာ ပင်လယ်ပြင်မှာ အမေရိကန်ရေတပ်နဲ့ ထိပ်တိုက် တွေ့ဆုံနိုင်ဖို့ စွမ်းဆောင်ရည်တွေမရှိခဲ့ပေမဲ့ လွန်ခဲ့တဲ့ နှစ်အနည်းငယ် အတွင်း တရုတ်နိုင်ငံရဲ့ စွမ်းဆောင်ရည်ဟာ လျင်မြန်စွာ တိုးတက် ပြောင်းလဲလာခဲ့ခြင်းက အမေရိကန်တို့အနေနဲ့သာမက ကမ္ဘာ့နိုင်ငံ အများစုကပါ စိုးရိမ်ပူပန်မှုများ မြင့်တက်လာခဲ့ပါတယ်။

ပစိဖိတ် ဒေသအတွင်း တရုတ်တို့ရဲ့ရေကြောင်း စွမ်းအားတိုးတက်လာမှုကို ထိန်းချုပ်ရန် အမေရိကန်တို့ဟာ အကျိုးစီးပွားရရှိရေးအတွက် ယှဉ်ပြိုင်ဘက်နိုင်ငံအပေါ် အင်အားကြီးထွားခွင့်မပေးဘဲ တည်ဆောက်ဆဲ အရိပ်အယောင်တွေ့မြင်နေတဲ့ ကာလအတွင်းမှာပင် ဦးနှိမ်ခြင်း၊ မိမိဩဇာကို ဖြန့်ကျက်ခြင်း၊ ရှင်သန်ကြီးထွားနိုင်မည့် အခွင့်အလမ်းများ ပိတ်ဆို့ခြင်း၊ ဘုံအကျိုးစီးပွားတူညီတဲ့ နိုင်ငံများနဲ့ပူးပေါင်းကာ ဆန့်ကျင် ဘက်အား ထိန်းချုပ်ခြင်းစတဲ့ နည်းလမ်းမှန်သမျှကို အသုံးပြုလာခဲ့ပါတယ်။

တရုတ်နိုင်ငံကလည်း အမေရိကန်ကို ဒေသတွင်း ထိန်းချုပ်နိုင်အောင် ကြိုးစားခြင်း၊ စစ်ရေးဆိုင်ရာ အငြင်းပွားဖွယ် သွင်ပြင်လက္ခဏာများ ဖန်တီးခြင်းတွေအပေါ် တစ်စိုက်မတ်မတ် ကန့်ကွက်ပြောဆိုနေသလို တောင်တရုတ်ပင်လယ်အတွင်း ရှေးယခင်ကတည်းက မိမိတို့ ပိုင်ဆိုင်တယ် လို့ ယူဆထားတဲ့ Nine-Dash Line အပေါ်မှာ ခိုင်မာစွာရပ်တည်နိုင်ရေး ကြိုးပမ်းလျက်ရှိပါတယ်။ကပ်ရောဂါတိုက်ဖျက်ရေးကာလအတွင်း အင်ဒို-ပစိဖိတ်မဟာဗျူဟာ အကောင်အထည်ဖော်ရေးအတွက် မဟာမိတ်တွေနဲ့ ပူးပေါင်းကာ စစ်ရေးလေ့ကျင့်ခန်းများ ပြုလုပ်တာတွေ၊ တရုတ်နိုင်ငံဟာ Two Ocean Strategy မဟာဗျူဟာကို အားသွန်ခွန်စိုက် ဖော်ဆောင်လာ တာတွေ၊တောင်တရုတ်ပင်လယ်အတွင်း ကျည်စစ်ကျည်မှန်များအသုံးပြု စစ်ရေး လေ့ကျင့်မှုများဆက်တိုက် ဆောင်ရွက်လာမှုတွေနဲ့အတူ အင်အား ကြီးနိုင်ငံများအကြား တုန့်ပြန်မှုမြန်ဆန်လာခြင်းတွေက ဒေသတွင်း တည်ငြိမ်ရေးကို ထိခိုက်စေကာ ထိပ်တိုက်တွေ့ဆုံမှုတွေ တစ်နေ့ထက် တစ်နေ့ ပြင်းထန်လာနေတာကြောင့် ရတက်မအေးစရာ အခြေအနေကို ပြန်လည်ရောက်ရှိလာခဲ့ပြီ ဖြစ်ပါတယ်။